وكأني مش واخدة بالي من اللي بيحصل في لبنان

اتفضل معايا

لأني من شبرا اول اما قريت القصيدة دي دخلت قلبي على طول ولاقيتها احسن بداية اعرفكوا عليا بيها وبالمرة تشربوا معايا كباية شاي

لكن مش هاقلكوا مين اللي كاتبها و انتوا لو شاطرين قولوا وعشان اسعدكوا هو شاعر كبير...

على كرسي ف قهوة

 ف شارع شبرا

أعدت

و جابلي كباية الشاي

الجارسون

كباية شاي القهوة

غير كباية شاي البيت خالص

بصيتله كتير مش عارف ليه

من مدة طويلة مشفتش حيّ

 كان الشارع نابض فيه الدم المطفي

و حي

مرّ عليا الراجل الاصلع خالص

والبنت اللي ف ايدها

طبق الفول الناقص خالص

والست اللابسة التوب الاسود خالص

مرت عربية جديدة وفيها ناس

وشّها ساكت خالص

و ولد بيكلم بنت على التاليتوار

بالحس الواطي و خايف خالص

و على التاليتوار التاني

كان دكان فكهاني منظم خالص

ونيونه مشعلل انوارخالص خالص

وقعت سنجة ترماي خمسة

طلع الولد المتشعبط ركّبها

وركب من باب الترماي

ادام الكمساري

شافه مكلمهموش خالص

عدا الراجل اللي منزلش

 من عل العجلة بقاله ست سنين

كان تعبان جدا وموطي 

ومش بيبدل خالص

اخد الجرسون قرشين بقشيش

بصّلي جدا جدا و استغرب

خالص..خالص..خالص 

مكنتش متخيلة ابدا اني هزعل بالشكل دة

انا مش متخيلة حياتي من غير

كريم مها مصطفى سامح احمد عباس رشا ادهم معتز

وغيرهم كتيييييير

تخيلوا سبع سنين

بنقضي مع بعض وقت اكتر من اللي بنقضيه مع اسرنا

انهاردة كان اخر يوم لينا مع بعض كان من اصعب الأيام اللي مرت عليا

يا ترى هنفضل اصحاب؟

ولا الأيام هتاخدنا؟

حاجات ليه لوحدي